Den un evento cu a tuma luga na Pekín, e fabricante chino di telefonnan inteligente, Xiaomi, a presenta su prome auto electrico, e SU7.
E empresa tin e ambicion pa desafía e grandinan manera Tesla y Porsche den e industria de automovil, y nan tin plan pa inverti 10.000 miyon di dolar den e aventura aki.
E SU7, cu ta conta cu sistemanan avansa di motorisacion, guia autonomo, y maneho di bateria, tin un bateria di 101 kWh pa un autonomia di te 800 km y un aceleracion di 0 pa 100 km/h den 2,78 segundo.
Xiaomi ta bay mas leu cu nan liñanan di telefonnan inteligente, y nan entrada den e mundo di vehiculonan electrico ta mustra nan determinacion pa sobresali den e mercado global. E SU7 ta representa un paso importante pa nan, marcando nan entrada den e competencia mundial pa vehiculonan electrico di alto rendimento.
E presentacion di e SU7 ta genera expectativanan grandi den e mundo di tecnologia y automotriz. Con Xiaomi lo maneha e retonan di competi cu e lidernan existente den e industria ta un pregunta cu hopi ta spera pa haya contesta.
