Na Universidad di Emory a realisa un investigacion structural di e cerebro di cachonan pa medio di resonancia magnetico y a revela cu nan por sinti un fuerte conexion emocional cu hende pa medio di nan olfato.
E estudio a mustra cu e parti di e cerebro di cacho encarga cu e sentimento di recompensa, conoci como e ‘nucleo caudado’, ta mas activo ora nan ta sinti e holo di hende conoci compara cu otro estimulonan.
Esaki ta sugeri cu cacho por ta considerando nan doñonan manera nan famia, un conexion cu ta wordo reforsa door di similitud den e patronchinan di activacion di nan cerebronan, especialmente den respuesta na estimulonan emocional.
Articulonan riba Big Think y Smithsonian Magazine a comparti e hayazgonan di e investigacion cu ta revela e profundo aprecio cu cacho tin pa nan doñonan.
Esaki ta un paso importante den e comprension di e relacion entre hende y nan amigo di cuater pata, mustrando cu e conexion emocional no ta solamente un sentimento unidireccional for di hende pa cacho, sino cu tambe cacho ta experenciando un fuerte sentimento di aprecio y conexion cu nan doñonan.