Minister Xiomara Maduro di Finansa y Cultura ta desea Pueblo di Aruba un dushi temporada di Fin di Aña cu e siguiente mensahe pa e dianan di fiesta
“Den e Fin di Aña aki, laga nos reflexiona riba locual ta brinda nos paz, ta laga nos sinti amor y ta trece alegria den nos curason.
Cu cada dia nos por ta un miho ser humano, dispuesto pa compronde otro y traha hunto pa desaroya un miho Aruba.
Cu atraves di gestonan yena cu cariño, tur dia nos por sinti y brinda amor na nos prohimo.
Cu nos por realisa cu e alegria den bida ta pa siña disfruta di e cosnan simpel di tur dia.
Bida ta un rato, pesey ta bale la pena pa tur dia nos busca e paz, brinda e amor y trece e alegria den nos bida.
Cu e ambiente di Fin di Aña inspira nos pa yena nos hogarnan cu paz, amor y alegria.
Bon Pasco y Feliz Aña 2024!”.