Oranjestad, Dialuna, 18 di December 2023 a tuma luga oficialmente e firmamento di contract hunto cu Guardian Group Fatum x SMAC pa loke ta Carnaval 70, e celebracion di mas grandi pa loke ta bira Aruba su Carnaval.
Presidente di SMAC, sr. Darren van Ommeren ta expresa palabranan di gratitud y satisfaccion pa asina engrandece nos partnernan oficial di Aruba su Carnaval 70. SMAC ta trahando for di varios luna pa por pone un carnaval di lustro, carnaval di 70 anniversario.
Marketing Executive di Guardian Group Fatum, jufr. Elaine Romano ta menciona cu nan compania ta sumamente contento y orguyoso di ta un di e patrocinadonan oficial pa Carnaval 70. Guardian Group ta kere firmemente den duna bek na nos comunidad y nada mas bunita cu engrandece e fiesta cultural mas grandi na Aruba cu ta, Carnaval.
Carnaval ta bida, carnaval ta pega stenchi, carnaval ta baila riba nos camindanan di Aruba y cu Guardian Group Fatum, Carnaval 70 ta bira un realidad! Danki Guardian Group Fatum y na comunidad di Aruba, ban celebra Carnaval 70 sanamente!
#SMAC #GGF #Carnaval70