Un homber a cay bou di acusacion di robo despues di supuestamente horta mas cu US$ 23.000 cash for di tres pasahero durante un vuelo di Vietnam pa Singapore.
E homber aki yama Zhang Xiugiang, un ciudadano chines di 52 aña, cu tabata abordo di un vuelo opera pa Scoot, e compania aereo di costonan abou di Singapore Airlines.
Segun documentonan hudicial cu a wordo lesa den tribunal y difundi pa e emisora publico di Singapore, Channel NewsAsia, Zhang a kita 3 miyon dong vietnamita (US$ 123) for di un tas di un pasahero, y 510 miyon dong (US$ 20.950) y un bankbiljet di 50 dollar di Singapore (US$ 38) for di un saco cu tabata pertenece na un otro pasahero.
Tambe, e homber supuestamente a tuma US$ 1.000 y 930 dollar di Singapore (US$ 700) for di un sobre cu a wordo haya den un tas shinishi cu tabata pertenece na un di tres pasahero.
E acusacionnan ta wordo investiga actualmente, y e homber ta enfrenta posibel consecuencianan hudicial pa su accionnan durante e biahe aereo.