Un britanico di 30 aña a confirma e veracidad di un dicho popular: tin remedi pio cu e malesa, ya cu na su intento pa para nistermento, el a perfora su garganta. E homber a primi su nanishi y a cera su boca na mesun momento pa suprimi e nister, un accion cu a ocasiona un un lesion den e canal di su garganta cu a obliga e homber bay hospital Ninewells na Dundee, Scotland, debi na dolor fuerte cu e tabata sinti.
E dokternan cu a atend’e a splica cu e manera cu e paciente a tuma mester wordo evita, pasobra nan por ocasiona presion den e via respiratorio cu ta te 20 biaha mas halto cu lo normal y por provoca heridanan serio den oido, aneurisma y te kibramento di ribchi.
E caso di e britanico aki ta un recordatorio importante pa tur hende cu ta trata di evita nister pa no haci esaki di un manera cu por daña nan mes. E dokternan ta recomenda cu si bo tin cu nister, laga esaki sosode naturalmente y no purba di suprimi e accion, ya cu esaki por tin consecuencianan serio pa bo salud.
Semper ta importante tene cuenta cu nos cuerpo tin un manera natural di anda cu situacionnan manera nistermento, y ta bon pa laga nan sosode sin obstaculonan cu por causa daño.
Semper ta bon consulta cu un profesional di salubridad pa conseho den caso di duda of problema cu salubridad.