Home » Un persona deteni; Cu baseball bat den man atracador a drenta supermercado

Un persona deteni; Cu baseball bat den man atracador a drenta supermercado

by Admin
0 comment 185 views

Pos Chikito

Dialuna anochi pa mas o menos 6:39 pm central di polis ta wordo notifica di un atraco cu lo mester a caba di tuma lugar na Kam Man supermarket na Pos Chikito.

Ta despacha patruya di biaha na e sitio di e sucedido.
Na e sitio polis ta wordo informa cu un homber curpa fors, color bruin cla cu un t-shirt shinishi riba su cabez y bisti full na blauw scur lo ta e sospechoso.

E sospechoso lo a drenta cu un bate di baseball y cuminsa pidi pa placa. Despues e lo a sali bay na pia direcion di e retonde di Pos Chiquito.

Un rato despues central ta haya un yamada cu na altura di Manglo Halto a wak un hende ta core cu lo mester a subi un scooter bay. Polis den vecindario a cuminsa cu un buskeda y a topa cu e scooter na unda a cuminsa un persecucion.

Den vecindario di Sabana Basora e chauffeur lo a perde control y a cay cu e scooter. Ambulance a presenta na e sitio pa atende e chauffeur.

No por confirma si e chauffeur lo ta relaciona cu e caso di atraco.

Despues un otro yamada ta drenta cu ta informa cu lo a wak un persona masculino scondi den mondi den cercania. Patruya a presenta y a topa cu un tas den mondi. Nan a sigi cu e busceda y a bin topa cu un homber scondi y cu ta cuadra cu e descripcion di e sospechoso.

E homber a wordo deteni pa mas investigacion.

Atraco Team como tambe polis technico a presenta na e sitio di incidente. E sospechoso lo mester a bay cu un suma di mas o menos 500 florin.

Cuerpo Policial ta pidi esnan cu sa algo of a wak algo yama e tiplijn di polis 11141. Bo lo keda anonimo.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio