E tan spera “Icon of the Seas”, reconoci como e crucero mas grandi di mundo, ta cla pa haci su biahe inaugural y esaki ta lantando hopi interes.
Cu su impresionante largura di 365 meter y un peso di 250.800 ton, e gigante maritimo aki ta supera su predecesor, “Wonder of the Seas” tanto den tamaño como den capacidad.
Programa pa sali dia 27 di Januari 2024 for di Miami (Florida), “Icon of the Seas” lo bay riba un ruta di siete dia den Caribe, cu capacidad pa 7.600 bishitante y 2.350 miembro di tripulacion, sumando un total di casi 10.000 persona a bordo.
E pasaheronan afortuna lo tin e oportunidad pa disfruta di e instalacionnan luhoso y comodidadnan cu e coloso di lama aki ta ofrece, sigurando momentonan di diversion, relahacion y entretenimento pa tur a bordo. For di opcionnan gastronomico exkisito te na actividadnan emocionante, “Icon of the Seas” ta priminti di surpasa tur expectativa y laga un experencia inolvidabel den mundo di crucero.
Cu su fecha di salida mas cerca, e anticipacion ta crece entre e amantenan di crucero. Prepara bo mes pa presencia e debut di e icono di lama aki mientrastanto ta aventura den su prome biaha den awanan di Caribe.