Home » Workshop organisa door di Departamento di Asuntonan Economico/IDEA tabata hopi informativo y interesante

Workshop organisa door di Departamento di Asuntonan Economico/IDEA tabata hopi informativo y interesante

Topico: “Pricing Strategies for Business Success”

by Admin
0 comment 146 views

ORANJESTAD – Departamento di Asuntonan Economico, Comercio y Industria mediante su unit di Iniciativa pa Desaroyo pa Empresa Arubano (IDEA) y cu colaboracion di Erasmus Consulting & Training a organisa un workshop: “Pricing Strategies for Business Success” riba 22 november 2023. 

 

E orador, sr. Edward Erasmus, director di Erasmus Consulting & Training, a presenta lo siguiente: 

  • Fundamental of Products/Service Pricing
  • Consumer Behavior
  • Competitive Analysis
  • Cost Recovery and Break-even Analysis
  • Approaches to Pricing
  • Other Pricing Considerations
  • Legal Aspects of Pricing

 

Durante y despues di e presentacion e orador a contesta tur e preguntanan cu bin di parti di e participantenan. E contestanan ricibi tabata satisfactorio y comprendibel. 

 

E workshop aki a tuma luga na Departamento di Asuntonan Economico y a haya un participacion di en total 31 persona. IDEA ta sumamente contento cu e contenido di e workshop y tambe di e bon comentarionan ricibi di su participantenan na final di e workshop. E contenido tawata sigur hopi informativo y interesante.

 

IDEA su eventonan ta dedica na SMEs (Small & Medium Enterprises) y tur cu ta desea di cuminsa un negoshi y cu kier educa nan mes riba diferente topiconan comercial.  

 

Un danki na tur participante y un danki special na e presentador sr. Erasmus cu a comparti su experticio cu tur esnan cu tawata presente durante e workshop aki. 

 

Nos siguiente y ultimo workshop pa aña 2023 ta diaranson awor dia 29 november, 9:30 am – 12:00 pm. E topico di e workshop ta bay ta “Unlocking Entrepreneurial Potential with AI and ChatGPT”. Entrada ta GRATIS. Nos tin algun cupo habri ainda pa participa. Pa registra, por manda un email via [email protected].

 

Sigui nos riba Facebook page @Idea-Aruba pa haya mas infomacion tocanto nos workshopnan y otro actividadnan venidero. 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio