E iceberg mas grandi di mundo, cu ta mas cu dobel di e tamaño di London, awor ta move despues di decadanan di keda pega na fondo di lama di Antarctica. E masa enorme di ijs a separa for di plataforma di ijs Filchner-Ronne na 1986, a desprende y a hundi na fondo di lama di Weddell na Antarctica casi inmediatamente.
E iceberg, yama A23a, tin mas o menos 400 meter (1.312 pia) di diki y casi 4.000 kilometer cuadra (1.544 miya cuadra) di superficie. Pa comparacion, Gran London tin 1.572 kilometer cuadra (607 miya cuadra).
Pero awor, casi tres decada despues, e iceberg probablemente a reduci su tamaño suficiente pa perde su ‘grip’ den fondo di laman manera parti di e ciclo di crecemento natural di e plataforma di ijs, y a cuminsa move, segun loke cientificonan Ella Gilbert y Oliver Marsh di British Antarctic Survey (BAS) a bisa.
A23a a tin e titulo di “mayor iceberg actual” varios biaha desde e decada di 1980, y na ocasion a wordo supera pa icebergnan mas grandi pero di bida mas cortico, manera A68 na 2017 y A76 na 2021.
E iceberg, lastra pa e coriente di lama, probablemente lo bay pa e ritmo actual, biahando cinco kilometer (tres miya) pa dia. Gilbert y Marsh a agrega cu, mientras cu e iceberg aki den parti probablemente a desprende como parti di e ciclo di crecemento natural di e plataforma di ijs, e cambio climatico ta provoca cambionan den e ijs di Antarctica y e continente ta perde cantidadnan enorme di ijs cada aña.