Home » Polisnan atento a persigui un Suzuki; dos persona deteni y arma di candela haya

Polisnan atento a persigui un Suzuki; dos persona deteni y arma di candela haya

by Admin
0 comment 178 views

Ierlandstraat – Diaranson den oranan atardi polis ariba Schotlandstraat a bay pa controla un Suzuki Swift, un control aparentemente di rutina.

Pero, den algun seconde e stopteken cu a wordo duna no a wordo sigui, esta esun na stuur di e auto a dicidi di subi velocidad.

Aki a start un persecusion cortico, cu a termina un poco mas pariba cu tawata den Ierlandstraat, net unda e auto ta registra.

Den e auto tawata tin 4 hoben, dos a baha core hopi duro bay cu polisnan no a haya chance mes di garanan. E otro dosnan si a wordo deteni na e auto.

E pakiko nan no a para ta masha simpel mes, nan tawata tin “cos” ariba nan, manera nan mes ta papia.
Den e auto a haya un cuchiu y un di esnan cu a core lo a benta algo afo y ora polis a haya esaki tawata tin un arma di candela den dje.

Esaki a pone polisnan avisa e departamentonan concerni, manera e departamento tecnico y tambe recherche.

Un bon trabou di parti KPA cu e agentenan aki atento, paso ken sa kiko tawata nan intencion cu e arma aki. Un arma di candela menos ariba caya.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio