Home » MINISTER ENDY CROES A REUNI CU SRA. SUSAN LEE, SECRETARIA DI ESTADO DI MARYLAND

MINISTER ENDY CROES A REUNI CU SRA. SUSAN LEE, SECRETARIA DI ESTADO DI MARYLAND

by Admin
0 comment 250 views

Pa crea oportunidad di estudio na nos studiantenan local y pa Pais Aruba.

ORANJESTAD: Diamars atardi, Minister Endy Croes y Minister Plenipotenciario na Washington D.C. Joselin Croes a reuni cu Secretaria di Estado di Maryland Sra. Susan Lee y Sr. Joseph Gebhardt, kende ta abogado graduada di Harverd University y apunta pa Gobernador Wes Moore, como miembro di e team di transicion Workforce Development. Sra. Susan Lee tin mas di 20 aña di experencia den Asamblea General na Maryland. Desde aña 2014, Sra. Lee ta fungi como senador. Mester agrega cu Sra. Lee tin un amplio experticio den “cyber security”, innovacion y “human trafficking”. Durante e encuentro a trata e posibilidadnan unico pa Pais Aruba. Sra. Lee a indica cu nan ta dispuesto pa traha cu Aruba. Den e prome tres (3) lunanan di aña 2024, nan lo haci un bishita na Aruba pa firma un MoU. Sra. Susan Lee a expresa di ta contento pa crea un relacion cu Aruba ora cu firma e MoU. Sra. Lee a subraya cu tin asina hopi cu tanto Aruba y Maryland por haci hunto den colaboracion cu lo beneficia ambos pais. Ta en busca di, entre otro, cooperacion, intercambio, inversion, “life science” y “cyber security”. Sr. Joseph Gebhardt, Senior Advisor di e secretaria di estado di Maryland a expresa di ta interesa den intercambio educacional y deporte specialmente den e disciplina di baseball. Minister Endy Croes a indica cu e tabata un tremendo reunion unda a trata e temanan relaciona cu educacion y deporte. Pa conclui, Minister Endy Croes y Minister Plenipotenciario na Washington D.C. Joselin Croes a keda hopi contento y positivo cu e reunion directo aki cu Estado di Maryland. Sigur un reunion unda cu lo bay cosecha hopi fruta den futuro cercano trahando den colaboracion cu secretaria di estado di Maryland.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio