Home » Back to the 80’s Concert pa Nine Lives Foundation

Back to the 80’s Concert pa Nine Lives Foundation

by Admin
0 comment 295 views

 

E dia a yega! Diasabra dia 11 di November Nine Lives Foundation lo tin su tremendo concierto di Back to the 80’s riba Freewinds. Saca bo outfit di the 80’s for di den kashi y prepara bo hairspray pa bo cabey y bin disfruta di un tremendo concierto!

Porta di e cruise ship Freewinds Starlight ta habri pa 7.30pm y pa 8or e concierto mes ta cuminsa. E Freewinds Band hunto cu special guest Alyona lo deleita publico presente cu e miho hitnan di añanan 80 hibando tur hende back den tempo.

Parkeo ta gratis y por drenta via e gate banda di Diamond International. Prijs pa ticket ta solamente 25 florin y tur placa lo bay pa Nine Lives Foundation Aruba.

Nine Lives Foundation ta traha duro dia y anochi pa por sigui eherce nan trabou y purba mehora e situacion di di mas cu 7 mil pushi riba caya cual ta un situacion alarmante na e momentonan aki riba nos isla. Tin sobrepopulacion di pushi y e shelternan y fundacionnan tur ta yen.

Nine Lives ta purba pa nos hendenan adopta un pushi local of ta check un famia den exterior cu kier adopta un pushi crioyo y ofrec’e un mihor bida. Tambe Nine Lives ta percura pa sterilisa e pushinan y yuda concientisa comunidad y nos muchanan riba kico ta ensera e cuido di nan mascota stima. Educacion y cambio ta cuminsa for di edad hoben.

Pues ban apoya Nine Lives Foundation y alabes disfruta den ambiente di Back to The 80’s. Pa haya bo ticket bo por bel/whatsapp 5614167. Bo por cumpra carchi te cu diasabra 6or di atardi. Nos ta warda bo diasabra 11 di November!

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio