Riba e dia aki, Arcos Dorados, e frankesa independiente di McDonald’s mas grandi na mundo, cu ta opera e cadena di restaurantnan di servicio rapido mas grandi di Latino America y Caribe, lo duna tur fondo obteni di e benta di Big Macs na e fundacion local, Centro Man na Obra.
ARUBA, 31 OCTOBER 2023, McDonald’s Aruba ta lansa oficialmente e edicion 2023 di e campaña “Great Day”. Riba diasabra, 4 di november, tur benta di e famoso Big Mac lo wordo dona na e fundacion local, Centro Man na Obra di SVGA.
E evento aki ta reforsa e compromiso di McDonald’s pa logra un impacto positivo den e comunidad local, door di sostene iniciativanan cu ta duna miho oportunidadnan na nos localnan y yuda nan crea un miho futuro. Ofrece oportunidad na nos hobennan local ta un di McDonald’s su pilarnan.
Tur tres localidad di McDonald’s lo tuma parti na e proyecto, pero riba e dia di “Great Day” McDonald’s na Seroe Blanco lo tin un celebracion special pa esnan cu ta bishita e restaurant.
Cuminsando mainta trempan, nos clientenan lo wordo saluda cu un sonrisa caluroso di nos famoso embahadora y Influencer nan, Pierangely Wever, Crystal Leito y Vanessa Leer a.k.a. DJ V, cu lo yama clientenan bon bini sea na e servicio di Drive-Thru of take out parti paden. Desde 5 or di atardi te 7:30pm lo tin entretenimento di DJ Eli hunto cu actividadnan pa nos muchanan, lo tin competencia di pintamento, pintamento di cara y otro atraccionnan dibertido.
SVGA, Stichting voor Verstandelijk Gehandicapten Aruba ta un organisacion dedica na personanan cu limitacionnan intelectual. E mision di e organisacion ta pa duna atencion, orientacion y educacion na e personanan aki, yudando nan pa bira mas independiente segun nan habilidadnan. E vision ta pa ofrece cuido y educacion pa mehora nan calidad di bida den comunidad door diferente programa y iniciativanan.
McDonald’s Seroe Blanco lo celebra “Great Day ” riba 4 di november na un forma festivo cu musica y diferente actividad. For di awe, cualke persona of compania local por mustra nan sosten door di cumpra un coupon Big Mac of McCombo Big Mac na Centro Man Na Obra of na un di e restaurantnan di McDonald’s riba e isla. Esaki ta nifica
cu no mester warda te dia 4; bo por aporta di awor!
Ban yuda cu e gran causa aki pa empodera personanan di Centro Man na Obra cu e compra di un Big Mac y celebra na grandi riba dia di e “Great Day” pasobra cada Big Mac ta conta. Pa mas informacion tocante e evento, bishita nan Facebook page McDonaldsAruba.