Segun NASA di Estados Unidos, e fenomeno aki ta ocuri hopi raramente den calendario, y e biaha cu e lo bay ripiti lo ta na maart di 2037.
Aproximadamente 25% di luna yen ta ser considera superluna, pero solamente 3% ta wordo yama Luna Blauw. Tempo entre superluna ta hopi irregular, esaki por yega te na 20 aña mes.
Pero, como regla general, 10 aña ta e promedio, segun e informacion duna pa e agencia.
E momento ideal pa presencia e superluna blauw lo ta diaranson 30 di augustus na 9:37 p.m. (ora di Venezuela). Esaki por wordo presencia den casi henter mundu sin e nesesidad di tin telescop of binocular, segun informacion publica pa CNN ariba 28 di augustus ultimo.
¿Kiko ta nifica un superluna y/of un Luna
blauw.
Un superluna ta nifica cu e Luna lo ta den su
punto mas cerca di mundo. Danki na esaki,
e satelite lo ta mas grandi y briyante cu normalmente.
Segun NASA, un superluna ta sosode entre tres y cuater biaha den un aña. E fenomeno aki ta causa cu awa di lama ta subi mas halto den oceano tambe.
E otro parti ta cu, un Luna blauw ta nifica cu den e mesun luna lo presenta dos luna yen.
Esaki ta pasobra e ciclo di Luna ta 29,5 dia, loke ta dune un duracion cu ta mas cortico cu e promedio di un luna.
E fenomeno aki ta sosode un biaha cada dos of tres aña. E ultimo Luna blou a sosode na 2020 y e proximo ta wordo spera pa 2026.
Proximo eventonan astronomico di 2023
E superluna blauw no ta e unico evento
astronomico cu ta spera den e segundo semester di 2023. Dia 12 di september 2023 lo
sosode e pasada di e cometa Nishimura, conosi pa su nomber cientifico cometa C/
2023 P1, un curpa Celeste “potensialmente
interstellar” cual a wordu descubri door di Japon.