Den menos cu 12 ora, Aruba a conoce tres morto. Dos dama asesina y un homber cu lo a pone fin na su bida.
Bushiribana/Washington:
Diaranson den oranan trempan di mainta a bin topa un auto Suv Honda Blanco y patras di e auto a bin topa cu un homber benta abou cu no tabata duna señal di bida.
Polis y autoridadnan competente a bay na e sitio. Dokter forensico Dr. Scholten a constata morto di e persona aki di fam Garcia Moreno. E auto tabata pertenece na un dama Colombiano yama Leila Contreras.
probablemente e homber Miguel Garcia Moreno, lo a pone fin na su bida,
Miguel Garcia Moreno recientemente a cuminsa traha como trainer na Cuts and Curves na Paradera.
Un rato despues a bin topa den un cas na Washington un dama cu no tabata duna señal di bida. Dokter a presenta y a constata morto di Leila Contreras, un fysioterapista. E dos personanan aki lo ta un pareha.
Mesora a cera e area di e cas y autoridad a cuminsa cu un investigacion. no ta descarta e posibilidad cu Miguel Garcia Moreno lo por a asesina Leila Contreras, despues lo a bay Bushiribana y a pone fin na su bida.
E caso ta den man di autoridad y ta bou investigacion ainda.
