Home » Parlamentario Ricky Hoek (MEP): Formando un Dignidad Economico

Parlamentario Ricky Hoek (MEP): Formando un Dignidad Economico

by Admin
0 comment 104 views

Riba diaranson 5 di juli Parlamento di Aruba a trata e ley di Plan di Impuesto 2023 of miho conoci como e ley di BBO na Frontera. Mirando cu durante e tratamento di e ley di BBO na Frontera, e debate netamente tabata tin di haber cu e economia di pais Aruba, a enfatisa riba e concepto of e pensamento di ‘diginidad economico’. E concepto/pensamento aki ta crea un imagen di un pais cu ta crea un ambiente di oportunidadnan economico, di tal manera cu tur su ciudadanonan por tin acceso na e trapi di mobilidad ascendente (trapi cu ta subi) sin sacrifica su balornan, idealnan y cultura. 

Nos gobierno actual, Gabinete Wever-Croes II, a traha y ta trahando na e ‘dignidad economico’ aki desde nan gobernacion. Desde 2018, gobierno Wever-Croes II a realisa diferente cambionan den e sistema fiscal di nos pais. Cambionan na beneficio di e homber chikito, e clase mediano y tambe pa e grupo di comercio. Gabinete Wever-Croes II hunto cu tur e profesionalnan riba e tereno economico y fiscal, ta desea di logra e ‘dignidad economico’ pa tur hende. Y a haci esaki nan meta. Ora cu un gobierno kier logra un meta, e ta traduci esaki den un maneho, y uno responsabel. Asina nos por wak cu (1) Den cuadro di maneho fiscal 2023 cu e ordenansa di Plan di Impuesto 2023, a tuma un serie de pasonan pa cuminsa reforma, moderniza y simplifica e sistema fiscal di Aruba. (2) Den linea cu e ordenansa di Plan di Impuesto 2023, ta deseabel pa implementa un serie di reformanan adicional cu ta encera reduccionnan fiscal cu lo mester drenta na vigor mas pronto cu ta posibel. E obhetivo ta di fortalece e finanza publico y sigura un cumplimento mas eficiente di esaki. (3) Tambe ta deseabel pa realiza modificacionnan, ahustenan of reparacionnan tecnico na leynan di impuesto actual. 

 

Pa por sostene e meta di gobierno y e pensamento di ‘dignidad economico’, ta resumi e compensacionnan cu gobierno ya a introduci na comienso di e aña aki pa e pagadonan di belasting. Esaki ta den forma di: (1) Hisa e belastingvrije voet; baha e ganashi di 80 mil florin pa 50 mil florin pa aña pa companianan chikito. (2) Ampliacion di e nivel di entrada den e loon- y inkomstenbelasting. (3) Reduccion di tarifanan di loon- y inkomstenbelasting. (4) Un reparatietoeslag pa nos pensionadonan. (5) Impuesto di entrada riba pensioen di pareha casa a baha y lo calcula e impuesto separa. (6) Aumento di salario minimo.

 

Como resultado di e ampliacion di e base di impuesto riba winstbelasting, a tene cuenta cu e comerciantenan y a baha e tarifa di winstbelasting di 25% pa ​​22%.  Y e porcentahe di inversion (e inversteringsaftrek) a subi di 6% pa 10%. Pues pa conlui, loke ta e meta di e Plan di Impuesto 2023 por lo tanto, ta (1) forma un parti importante di e sostenibilidad di e finanza publico y (2) pa transforma esaki den presupuesto di surplus teniendo na bista e posicion di e debe nacional di Aruba.

 

Apesar cu gobierno ta traha na e ‘diginidad economico’, tin factornan externo cu ta haci cu gobierno no por controla tur loke ta pasa den e mundo economico. Sinembargo, cu un mente habri, comprendemento, sosteniendo otro y haciendo uzo di nos poder di consumidor nos tur por hiba Aruba y su finansas dilanti. 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio