Pos Abou – Diabierna anochi polis ta wordo informa door di un automobilista cu chauffeur di un Hyundai H1 Van color blauw lo a maltrate, y aparentemente kier of a dal’e cu e auto.
Polis a busca e vehiculo, y ariba e caminda di Pos Abou pa Bushiri a logra intercepta e Van color blauw.
Den e Van tawata tin tres persona, dos hende homber y un dama.
E victima a keda warda polis altura di Elmar Hato, unda cu un patruya lo a atende cu ne.
Detencion
Mirando cu e victima a entrega keho contra e chauffeur agresor, polis a bise su derechonan y a bay over na detene e chauffeur y e dama. Ki rol e dama a hunga den tur esaki no ta mucho cla.
A pidi pa transportwagen cu a yega y a ta transporta e pareha hunto pa warda di Shaba.
Motibo di dicho agresion polis lo tin di saca afo na warda.
Polis a splica e victima su caminda pa cana.
