Dama herida despues cu su Honda a perde control baha caminda

Sabana Basora – Dialuna anochi den careda di 9:30 polis mester a bay Sabana Basora, unda un auto a baha caminda dal otro auto.

Un dama na stuur di un Honda bayendo zuid a perde control posiblemente debi na e caminda muhe e ora ey.

Den e impacto e Honda a dal contra dos Yaris cu tawata staciona dilanti un cas. E Honda mes a bay termina contra un cura di cas. Un di e Yarisnan e parti patras a keda bastante destrui.

Ambulance mester a presenta pa atende cu e chauffeur cu a ricibi algun golpi durante e impacto.

Takelwagen mester a presenta pa bay cu e Honda.