Home » Surfside Science a haya mencion honorario di Premio di Union Europeo pa ciencia di Cuidadano

Surfside Science a haya mencion honorario di Premio di Union Europeo pa ciencia di Cuidadano

by Admin
0 comment 102 views

Oranjestad, 22 di mei, 2023 – Union Europeo a entrega pa prome biaha un premio na proyectonan sobresaliente di ciencia ciudadano cu ta promove colaboracion, sostenibilidad y formacion di futuro. Ars Electronica na Austria a asumi encargo di organisa e concurso nobo aki.

 

3 Proyecto a wordo selecciona como ganador y 27 proyecto a wordo selecciona pa wordo menciona cu honor. Metabolic Foundation su proyecto Surfside Science a keda selecciona entre un di e 27 proyectonan pa ricibi Mencion Honorario como proyecto innovativo den henter Union Europeo. Ta importante pa menciona cu Surfside Science ta e único proyecto den paísnan y teritorionan Europeo den Caribe (OCTs) cu a ricibi e reconocemento aki. Por mira tur e proyectonan selecciona cu ta inclui Surfside Science riba e website: https://ars.electronica.art/citizenscience/en/winners/.

 

“Ciencia di ciudadano” ta wordo defini como “trabou científico cu miembronan di publico general, hopi biaha bou di dirección di un científico profesional”. E proyecto Surfside Science a inclui hopi voluntarionan pero tambe estudiantenan, den e proceso di desaroyo y implementación di metodonan pa monitorea medioambiente costero.

 

Riba e website science.brenchies.com por mira e prototiponan cu a wordo desaroya pa monitorea calidad di awa y aire y por lesa over di e progreso di e proyecto. Tambe por sigi nan riba Instagram @brenchies of youtube brenchie’s lab. Pa cualkier pregunta por e-mail na [email protected].

 

E proyecto Surfside Science ta posibel dor di sosten financiero di RESEMBID. RESEMBID ta un programa cu ta sostene desaroyo humano sostenibel di paisnan y teritorio Europeo den Caribe (OCTs), di cual Aruba ta parti. RESEMBID ta wordo financia dor di Union Europeo y su partner di implementación ta Expertise France. E último aki ta un agencia di colaboracion pa desaroyo di Gobierno Francés.

 

Brenchie’s lab ta un makerspace di Metabolic Foundation. Pa mas información di fondo di Union Europeo RESEMBID bishita www.resembid.org.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio