Home » Prome Minister Evelyn Wever-Croes: NO TIN MAS INVESTIGACION PENAL ANDANDO DEN DIP

Prome Minister Evelyn Wever-Croes: NO TIN MAS INVESTIGACION PENAL ANDANDO DEN DIP

by Admin
0 comment 97 views

E unico investigacion cu tin actualmente den DIP ta di Sero Colorado.

ORANJESTAD – Dialuna mainta durante conferencia di prensa di Gobierno di Aruba, Prome Minister Evelyn Wever-Croes a duna un splicacion riba e investigacionnan den ‘Directie Infrastructuur en Planning” (DIP). Prome Minister a indica cu e unico investigacion forensico cu tin actualmente den DIP ta di Sero Colorado y no tin niun investigacion penal andando.

E investigacion di Sero Colorado a wordo pidi pa ex Minister Marisol Lopez-Tromp prome cu Gabinete Wever-Croes a drenta den gobernacion. E motibo pa e investigacion ta, cu a tuma nota cu hopi hende cu ta bibando den e casnan, ta drechando e casnan sin tin un titulo pa ta bibando den e cas. P’esey ta importante pa haci e investigacion, pa wak ken ta esnan cu ta bibando den e casnan y ken ta e doño di e casnan. Unabes cu e investigacion ta cla, lo bay den dialogo riba esaki cu tur esnan cu ta bibando ilegalmente den e casnan, pa asina busca solucion pa drecha e situacion.

“Tin varios peticion di hendenan cu ta interesa den un cas na Sero Colorado, pero lo mester warda e investigacion forensico aki keda cla. Unabes e investigacion aki ta cla, por bisa cu tur investigacion den DIP, ta tras di lomba y por sigui traha pa futuro, enfocando riba cosnan positivo”, Prome Minister a duna di conoce.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio