98
POH a wordo introduci na Aruba na anja 2012 como un projecto piloto y na anja 2016 a wordo implementa, unda e promer opleiding a tuma lugar y a educa e promer 14 POH nan oficialmente.
E POH ta situa na un dr di cas y ta atende cu patient nan cu ta diabetico y cu tin un malesa cardiovascular. Nan ta duna giua y información importante con pa atende cu e malesa y con pa hiba un estilo di bida mas saludabel. E meta principal pakiko a introduci e POH ta pa evita pa hanja complicacion nan di e malesa nan ariba mensiona of pa esaki nan bira mas grave y jega na e.o. amputacion, perdida di bista, admicion den hospital y hasta bira un pacient di dialysis. Ademas di consulta e POH nan ta organisa varios chekeo nan gratis pa publico y asina duna tur hende e oportunidad pa hasi un chekeo sin consulta. Banda di traha cu e dr nan di cas e POH nan ta traha cu varios otro disciplina nan manera Plataforma Promocion di Salud, FDA, Botica di Servicio, specialista, podotherapeuta etc pa asina duna su aporte unda cu ta necesario.
Na anja 2022 a introduci nan mesun association cu ta hiba e nomber POH-297.
Directiva di Wit Gele Kruis y coordinadora POH ta sumamente orguyoso di e POH nan y ta desea nan hopi exito den e anja nan venidero y pa nan sigui cu e tremendo y bunita trabow cu nan ta ehersiendo pa asina sigui guia y yuda nan patient nan, masha pabien awe riba boso dia