Home ยป ๐ƒ๐ฎ๐ซ๐š๐ง๐ญ๐ž ๐๐ข๐š๐ง๐š๐ง ๐๐ข ๐œ๐š๐ฅ๐จ๐ซ. ๐“๐š ๐ข๐ฆ๐ฉ๐จ๐ซ๐ญ๐š๐ง๐ญ๐ž ๐ฉ๐š ๐ญ๐ฎ๐ฆ๐š ๐ฆ๐ž๐๐ข๐๐š๐ง๐š๐ง ๐๐ข ๐ฉ๐ซ๐ž๐œ๐š๐ฎ๐œ๐ข๐จ๐ง

๐ƒ๐ฎ๐ซ๐š๐ง๐ญ๐ž ๐๐ข๐š๐ง๐š๐ง ๐๐ข ๐œ๐š๐ฅ๐จ๐ซ. ๐“๐š ๐ข๐ฆ๐ฉ๐จ๐ซ๐ญ๐š๐ง๐ญ๐ž ๐ฉ๐š ๐ญ๐ฎ๐ฆ๐š ๐ฆ๐ž๐๐ข๐๐š๐ง๐š๐ง ๐๐ข ๐ฉ๐ซ๐ž๐œ๐š๐ฎ๐œ๐ข๐จ๐ง

by Admin
0 comment 213 views

Durante e ultimo dianan nos por a tuma nota di un calor extenso, temperatura hopi halto y un solo fuerte. Durante e dianan cu ta sigui comunidad por bay sigui experencia esaki cu por ta peligroso pa nos salud. Pa combati e fenomeno di naturalesa aki no ta posibel, pero si nos por tuma accion pa proteha nos mes y otronan y tambe preveni consecuencianan pa motibo di e calor extenso.

Nos por papia aki di un heatwave of cu otro palabra un ola di calor cu tin su efecto riba hende y bestia. Riba hende e tin efecto specialmente riba e personanan cu un enfermedad cronico manera, diabetes, presion halto, cancer, asthma, pero tambe esnan cu nan trabou ta fisicamente pisa y pafo. Otro grupo di riesgo ta hende grandi, baby, muchanan chikito, hende cu sobre peso y obesidad . Calor por ocaciona deshidratacion, zonontsteking, presion halto, dolor di cabes, cansancio, biramento di cabes y stoma, sacamento, cram di musculo y asta ataca serca un persona cu ta den e temperatura cayente pa un tempo largo.

Departamento di Salud Publico ta conseha comunidad pa durante e dianan cu ta sigui pa bebe hopi awa por lo menos 2 liter pa dia, uza protector solar SPF 30 of mas, bisti bril di solo, pechi of sombre, paรฑa di color cla preferibel di catuna of linen y evita bebida cayente y bebidanan cu ta contene cafeina of hopi sucu durante e oranan mas calor cu ta entre 11:00 di merdia pa 2:00 di atardi.

Nos muchanan, enfermonan y nos hende grandinan ta esnan mas vulnerabel pa e calor aki. Ta hopi importante pa vigilanan constantemente y refresca nan curpa pa wanta e temperatura abou y hidrata nan cu suficiente likido pa evita un posibel heatstroke, cu ta un condicion hopi delicado caminda cu e curpa ta stop di soda. E temperatura di curpa ta sigui subi mas cu 40ยฐ grado Celsius y ta perhudica e centro di control cu ta regula e temperatura corporal den nos celebro.

๐’๐ข๐ง๐ญ๐จ๐ฆ๐š๐ง๐š๐ง ๐๐ข ๐ฎ๐ง ๐ก๐ž๐š๐ญ๐ฌ๐ญ๐ซ๐จ๐ค๐ž ๐ญ๐š
โ€ข Temperatura corporal halto den corto tempo
โ€ข Cara y cuero cora y seco
โ€ข No ta soda mas
โ€ข Curazon ta bati dura
โ€ข Dolor di cabez
โ€ข Mente ta bira confuso y por cay flow
โ€ข Por cuminsa saca of haรฑa diaree

๐Š๐ข๐œ๐จ ๐ฉ๐š ๐ก๐š๐œ๐ข ๐๐ž๐ง ๐œ๐š๐ฌ๐จ ๐๐ข ๐ฎ๐ง ๐‡๐ž๐š๐ญ๐ฌ๐ญ๐ซ๐จ๐ค๐ž?
โ€ข Busca asistencia medico mesora yama 911
โ€ข Tene e persona trankil y den fresco
โ€ข Los e paรฑanan na su curpa.
โ€ข Fria e curpa cu un serbete/paรฑa muha (cu awa friu of di cranchi)
โ€ข Por pone ijs of icepack bou di brasa, na nek, lomba, riba stoma y/of memey di e pianan.
โ€ข Si persona ta consciente lagโ€™a bebe awa no mucho friu.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio