Home » HISTORIA DI DIA DI TERA

HISTORIA DI DIA DI TERA

by Admin
0 comment 112 views

Cu un foto di Tera tuma for di espacio abordo di Apollo 11, John McConnell, un activista mericano
ambiental, ta crea e bandera cu ta bira e simbolo universal conoci como Earth Flag.
Pa eleva sosten individual y internacional pa cuido di planeta Tera McConnell a propone un Dia di Tera y
e esaki ta haña acogida y a ser sigui pa un Proclamacacion di Dia di Tera pa e ciudad di San Francisco.
Ta 21 maart 1970 y e prome Dia di Tera, manera proponi pa McConnell, ta ser celebra na San Francisco.
Mientras tanto preparacionan masivo ta na caminda, encabeza pa Gaylord Nelson, un senador mericano
di Wisconsin, kende ta propone e prome protesta ambiental nacional pa sacudi e mundo politico y forza e
tema di medio ambiente riba e agenda nacional.
Riba 22 april 1970, 20 miyon Mericano ta subi caya, aglomera den parke y auditorio pa demonstra pa
mustra e necesidad di un medio ambiente sano y sostenibel. Denis Hayes, e coordinador nacional y su
equipo a organiza reunionan popular masivo di costa pa costa. Miles di skol y universidad a organiza
protesta contra e deterioro di e medio ambiente y gruponan ambiental, republicano, democrata, agricultor
y lidernan sindical a uni pa un causa comun, creando un empuhe cu a conduci na crea e Environmental
Protection Agency y aceptacion di e leynan Clean Air, Clean Water, y Endangered Species Acts.
Desde 1990 ora Earth Day Network a ser crea pa Denis Hayes pa promove Dia di Tera mediante un red
internacional di organisacion, Dia di Tera a crece bira e evento mas celebra na mundo, conmemora pa
mas hende cu cualkier otro evento secular, religioso of dia nacional riba planeta Tera.
E fecha pa celebra Dia di Tera ta bira oficialmente 22 April asina remplazando e fecha original pa e otro
Dia di Tera anteriormente proponi pa John McConnell.
Na 2009 cu Resolucion A/RES/63/278 Asamblea General di Nacionan Uni ta declara 22 april
International Mother Earth Day y Earth Day Network ta asumi coordinacion global di Dia di Tera.
DIA DI TERA NA ARUBA
Dia 22 april 1993, Accion Ambiental, un grupo di cuater hende (Milton Ponson, Marcos Bislip, Sandra
Robles y Sheila Lampe) hunto cu Fundacion Desaroyo Ecologico Aruba a tene un rueda di prensa y a
reflexiona riba e necesidad pa proteha nos planeta, su recursonan natural y ecosistemanan y pa transmiti
e mensahe aki na e hubentud di Aruba.
Na 1994, Dia di Tera a bira un evento nacional na Aruba, ora cu a hisa e Earth Flag na Biblioteca
Nacional Oranjestad riba 22 april. Gobernador di Aruba tawata presente y Prome Minister Nelson Oduber
a hiba un discurso pa e publico presente. Ariba e mesun dia un rueda di prensa a ser teni cu e tema “Nos
Recursonan Natural ta nos Rikeza Economico”, un brochure a ser presenta, titula “Aruba, One Natural
Island” y Accion Ambiental a anuncia cu lo manda un delegado pa participa den e Global Conference on
the Sustainable Development of Small Island Developing States na Barbados e mesun aña.
Na 1996 e tema “Bida bao Laman” a ser escogi na Aruba pa Dia di Tera pa Departamento di Enseñanza,
como parti di un esfuerzo continuo den cuadro di e Caribbean Sea Project, crea pa UNESCO na 1994,

PROJECT PARADIGM
Providing building tools for sustainable development worldwide
Collaborative Research – ICT for development – Governance –
Treaties Monitoring
Tl: +297 568 5908, Email: [email protected]
PO Box 1154, Oranjestad, Aruba, Dutch Caribbean

pa promove e proteccion di laman y di su recursonan. Na Instituto di Cultura un exposicion a ser organiza
cu proyectonan escolar traha na varios skol na Aruba, dedica na e tema aki.
Na Aruba e Departamento di Agricultura, Cria y Pesca, cual ta opera un estacion agricultural, tawata
organiza un evento anual, cu su facilidadnan habri pa bishita di e publico riba un Diadomingo, na ocasion
di e gran apertura di nan kinderboerderij, a escoge e tema di Dia di Tera pa e evento publico aki na 1997.
Asina pues e Departamento di Agricultura, Cria y Pesca tawata instrumental desde 1997 den e
promocion di e concepto di Dia di Tera na Aruba y for di 2002 ta usando e temanan internacional escogi
pa Dia di Tera dor di Earth Day Network tambe.
E celebracion di Dia di Tera na 1994 ta marca e inicio di concientisacion masivo na Aruba den sociedad
civil y sector hotelero y cu sosten di AHATA su CEO, Sr. Rory Arends, Accion Ambiental ta haña un
booth gratis pa promove e necesidad pa cuida nos medio ambiente y asina nos producto Aruba den e
Aruba Travel Expo (ATEX) 1994.
Bucuti Beach Resort, Costa Linda Beach Resort, La Cabana Beach Resort y Amsterdam Manor Beach
Resort cu hunto lo bira EBA-CAST, Eagle Beach Area Coalition for Aruba’s Sustainable Tourism, ta
sponsor 2000 T-shirts pa parti na e travel agents den ATEX 1994, hunto cu e flyer “Ten Tips for
Environmentally Conscious Visitors” y e flyer “Aruba, One Natural Island”.
E travel agents y prensa internacional na ATEX 1994 ta impresiona cu e slogan riba e T-shirt “We Care
About People Because We Care About The Environment” y TeleAruba y Aruba Tourism Authority ta haci
un grabacion pa uso local y internacional.
Sociedad civil y sector di turismo inspira pa ATEX 1994 ta embarca riba un campaña pa concientisacion
pa un turismo sostenibel na Aruba. E movimiento aki ta sigui haña acogida te ora e crisis financiero
global impacta Aruba den e periodo 2008-2010 y esfuerzonan pa desaroya un turismo sostenibel ta
perde impulso y greenwashing ta haci su entrada, esta e practica di pretende di tin compromiso cu
proteccion di medio ambiente y desaroyo sostenibel, pero den palabra y mercadeo so y no den practica.
DIA DI TERA 2023, TEMA: INVERTI DEN NOS PLANETA
2023 ta marca 30 aña di celebracion di Dia di Tera na Aruba y tin varios punto negativo ta resalta.
Desde cu promer Gabinete Wever-Croes a sinta na 2017 e dialogo nacional stipula pa e documento The
Future We Want-Agenda 2030, mihor conoci como e documento cu e 17 Obhetivonan pa Desaroyo
Sostenibel (SDGs) ta cuminza deteriora y greenwashing ta haci su entrada den maneho di Gobierno.
Minister Otmar Oduber ta fiha un documento pa maneho ambiental den cual ta falta visiblemente e
intencion pa introduci un Ordenanza Nacional Pa Maneho Ambiental (Landsverordening Milieubeheer).
E tristo berdad ta cu netamente e necesidad pa bini cu tal Ordenanza Nacional pa Maneho Ambiental a
ser menciona den e rueda di prensa na occasion di e prome celebracion di Dia di Tera na 1993.
Pues 30 aña despues, esta un generacion completo despues Aruba ta keto bay sin tal legislacion.
Ora cu Gabinete Wever-Croes cu coalicion MEP-RAIZ a sinta na 2021 Sr. Ursell Arends a keda
huramenta como Minister di Naturaleza e situacion a empeora formalmente.
E Minister aki ta dialoga cu un grupito di stakeholders so di cual e NGOs cu ta conta cu sosten di Minister
caracterisa pa e dicho “por la plata y gloria personal baila el mono” ta duna input pa su maneho.
Minister Ursell Arends a embarca riba un solo tour den Gobierno haciendo monton di anuncio di
compromiso di pais Aruba na cumbrenan internacional, di cual hopi ta dificil pa cumpli cu nan, pasobra
mientras cu no tin legislacion ambiental, e maneho pa proteccion di naturaleza tambe ta manca.
E Earth Day Forum organisa riba Dia di Tera 2023 pa Minister Arends ta viola e dialogo nacional pa
desaroyo sostenibel prescribi pa Nacionan Uni pa SDGs y tambe ta viola e principio basico di Dia di Tera
mes, ya cu atrobe un grupito so di hende, organisacion y prensa a ser invita.
Pero mas descabeya ta su intento pa introduci Rights of Nature den nos constitucion sin cu tin legislacion
ambiental vigente cu ta indispensabel pa un maneho di cuido di naturaleza, pasobra e legislacion
ambiental aki ta e principal instrumento pa para tur clase di daño haci na naturaleza.
Pa e di dos aña consecutivo e tema pa Dia di Tera ta Invest in Our Planet, Inverti den nos Planeta.
Nos mester cambia tur cos — e clima corporativo, e clima politico y con nos ta maneha e accion
necesario pa tuma pa atende cu cambio climatico. Awor a yega e ora pa mustra un curashi imparabel pa
preserva y proteha nos salud, nos famiya y nos medionan di subsistencia.

Na 2023, Inverti den Nos Planeta pa Aruba ta nifica cu tur stakeholders hunto reboot e campaña pa yega
na un desaroyo sostenibel manera den e periodo 1994-2010 si no tur tempo, placa y goodwill na nivel
internacional inverti di 1994-2010 lo por considera perdi y nos ta back na punto di salida di 29 aña pasa.
E e prome inversion colectivo mester ta pa percura pa e Ordenanza Nacional pa Maneho Ambiental keda
introduci por fin pasobra sin e ley aki tur maneho di naturaleza y medio ambiente di Gobierno di Aruba ta

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio