Home » Minister Endy Croes: FFD A PRESENTA PLAN DI MANTENCION PA NAN FACILIDADNAN DEPORTIVO

Minister Endy Croes: FFD A PRESENTA PLAN DI MANTENCION PA NAN FACILIDADNAN DEPORTIVO

by Admin
0 comment 99 views

ORANJESTAD: Recientemente, Minister Endy Croes a reuni cu directiva di Fundacion Facilidadnan Deportivo (FFD). Un reunion bastante amplio, unda cu FFD a duna un presentacion tocante nan plan di mantencion. Minister di Deporte Endy Croes a cuminsa duna diferente organisacion cu a acerca Ministerio di Deporte asistencia. FFD ta percura pa mantencion di 8 facilidad deportivo aki na Aruba, pero tambe ta duna ayudo na otro facilidadnan pa matencion. A tuma nota cu desde aña 2010 tabatin un deterioracion di e facilidadnan deportivo na Aruba. Manera nos sa, e gobiernonan anterior a laga nos stadionnan desaproba, unda cu nos seleccionan mester a hunga nan “homegames” den exterior. A traha duro pa e aña aki nos tin un stadion completamente renoba y aproba. Minister Endy Croes a pidi FFD pa dirigi nan mes 100 porciento riba e mantencion di e facilidadnan y pa traha un lista di locual tin prioridad, pa asina cuminsa pone accion pa yuda drecha e parkenan cu ta deteriora. FFD a inicia caba cu e mantencion di e veld na Mabon, pues pronto e veld lo ta operacional bek pa e deportistanan di softball y baseball. 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio