Home » Un rato prome polis a kita e yabi auto for di dje; Chauffeur burachi a bolter cu su auto

Un rato prome polis a kita e yabi auto for di dje; Chauffeur burachi a bolter cu su auto

by Admin
0 comment 195 views

Rooi Koochi: Diabierna  den careda di 11’or di anochi habitantenan di Rooi Koochi a tende un zonido basta duro y a bin topa cu un pickup gebolter memey  di e caminda den e bocht na Rooi Koochi, mesora nan a avisa polis.

Polis a yega na e sitio y a bin topa cu un pickup Nissan gebolter, e chauffeur a sali for di e auto y tabata mustra basta bou influencia. Nan a reconoce e chauffeur aki, como  e persona cu un rato prome nan a top’e tras di stuur di e pickup y cu nan a dicidi di kita e yabi di auto for di dje y lage na pia pa motibo cu e tabata bou influencia caba. Apartentemente e homber aki lo a dicidi di cana bay su cas na Cura Cabay, pasa man pa un yabi di spare  y  a bay bek, start e pickup pa supuestamente core bay su cas, pero na caminda pa cas e la bolter.

E polisnan a dicidi di haci un test di alcohol cu ne, e la supla y a resulta cu e la pasa e limite bay cu ta permiti pa por ta tras di stuur. Mirando su condicion, e polisnan na e sitio a dicidi di detene y transport’e pa warda di polis na San Nicolas.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio