Home Β» Minister Dangui Oduber π——π—œπ—”π——π—’π— π—œπ—‘π—šπ—’ 𝗧𝗔 𝗕𝗔𝗬 𝗧𝗨𝗠𝗔 π—Ÿπ—¨π—šπ—”π—₯ π—˜ π—©π—¨π—˜π—Ÿπ—’ π—œπ—‘π—”π—¨π—šπ—¨π—₯π—”π—Ÿ π——π—œ 𝗕π—₯π—œπ—§π—œπ—¦π—› π—”π—œπ—₯π—ͺ𝗔𝗬𝗦

Minister Dangui Oduber π——π—œπ—”π——π—’π— π—œπ—‘π—šπ—’ 𝗧𝗔 𝗕𝗔𝗬 𝗧𝗨𝗠𝗔 π—Ÿπ—¨π—šπ—”π—₯ π—˜ π—©π—¨π—˜π—Ÿπ—’ π—œπ—‘π—”π—¨π—šπ—¨π—₯π—”π—Ÿ π——π—œ 𝗕π—₯π—œπ—§π—œπ—¦π—› π—”π—œπ—₯π—ͺ𝗔𝗬𝗦

by Admin
0 comment 92 views

 

 

ORANJESTAD – Minister di Turismo sr. Dangui Oduber ta comparti noticia cu diadomingo awor pa prome biaha nos lo ta ricibiendo e aerolinea britanico, esta British Airways. Esaki ta e fruto di Minister Oduber su maneho caminda ta diversifica nos turismo, expandiendo nos mercadonan internacional.
British Airways ta bay tin dos vuelonan semanal cu lo bin di London Gatwick airport (LGW) riba diahuebs y diadomingo. E vuelo lo wordo opera cu un avion Boeing 777-200 di 336 asiento.

Minister Oduber ta convenci cu e vuelo nobo aki lo bay duna un empuje grandi, no solamente na e cantidad di bishitante, pero tambe den aumento di e mercado di Gran Britania pa Aruba como destinacion. E turistanan cu ta yega ta turistanan afluente, turistanan cu ta gasta, nan moneda (pounds sterling) ta hopi fuerte.
Minister Dangui Oduber ta yama danki na AAA, especilamente e Airlift Committee sra Brown y Arends, tambe na ATA, especialmente ATA-Europe y ATA-UK, pa e gran logro aki. Gobierno di Aruba ta agradecido pa e confiansa cu British Airways a duna nos como pais.

Aruba ta cla pa duna un generacion nobo di bishitante un experencia inolvidabel pa nan sigui scohe Aruba como nan di dos cas. Minister Oduber ta sigui traha riba e diversificacion di nos turismo.

Un biaha mas ta keda demostra cu e maneho di diversificacion ta dunando resultadonan concreto. Cu e vuelo nobo aki Aruba ta habri oportunidadnan nobo den e mercadeo europeo. Un logro historico.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio