Home » 26 maart 1982: Institucion di Arubahuis 41 aña pasa tabata un vision di Betico Croes den su lucha pa Status Aparte

26 maart 1982: Institucion di Arubahuis 41 aña pasa tabata un vision di Betico Croes den su lucha pa Status Aparte

by Admin
0 comment 128 views

Un biaha mas partido MEP kier resalta e echo cu luna di maart ta e luna di mas importante den henter e lucha di e pueblo Arubano pa su status autonomo den Reino Hulandes. Fuera di e logro di nos Status Aparte durante e Conferencia di Mesa Rondo dia 12 di maart 1983, e inauguracion di nos Himno y Bandera dia 18 di maart 1983, e referendum consultativo dia 25 di maart 1977, e fecha di 26 di maart 1982 ta resalta como un logro pa loke ta e inauguracion di nos Arubahuis na Hulanda.

Den preparacion pa Status Aparte
Asina por mira cu riba e fecha aki e pueblo Arubano a haya un representacion oficial na Hulanda, esta nos Arubahuis cu tabata situa na Paleisstraat, caminda miles y miles di e Arubianonan na Hulanda desde e dia ey por a conta cu un representacion digno cu siguramente a traha na nan bienestar. E representacion aki tambe tabata den cuadro di e vision di nos Libertador Betico Croes y ta forma parti di e preparacion pa e Status Aparte di Aruba. Tambe pa atrae inversionistanan Hulandes y pa promocion di turismo for di Europa, un representacion Arubano na Hulanda tabata hustifica. E representacion ta necesario tambe pa atende asunto di nos studiantenan na Hulanda, percura pa cuido medico pa patientnan cu ta bay busca esaki na Hulanda y atende problemanan social di Arubianonan na Hulanda.

Sin duda cu e pueblo Arubano mester ta orguyoso di institucion di Arubahuis na Hulanda cu a bira realidad danki na e vision di nos estadista Betico Croes.
Pabien Aruba cu e di 41 aniversario di nos Arubahuis na Hulanda.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio