Oranjestad, Aruba: SKOA ta sigui cu su campaña anual di aplicacion pa tur mucha cu ta haci 4 aña den 2023. Aplicacion ta habri ainda y mayornan por inscribi nan yiunan pa asina sigura nan luga pa e proximo aña escolar.
Con bo por aplica na SKOA?
Por aplica via nos website www.skoa.aw pa asina inscribi completamente online. Por aplica via email door di manda SKOA un email na [email protected]. Por aplica via WhatsApp tambe door di manda un mensahe directo na 7485995 y sigui e pasonan pa completa e aplicacion. Ora di aplica mester pone bon atencion ariba e documentonan necesario pa asina por cumpli cu e proceso di inscripcion di bo yiu. Pa mayornan cu ya caba tin yiu inscribi na SKOA por haci aplicacion di e yiu cu tin cu cuminsa kleuter via nos systema di SAS.
SKOA ta enfoca ariba e desaroyo y crecemento di nos muchanan y ta boga pa sigui brinda educacion di calidad pa asina prepara nos muchanan pa un bon futuro. SKOA tey pa guia tur mayor durante e proceso di aplicacion. Pa mas informacion tocante aplicacion y e scolnan di SKOA por bishita nos website www.skoa.aw of por yama na liña directo 5231800.