Ser’i Teishi, Green Corridor: Diadomingo algo despues di 2’or di marduga, a sosode un accident basta serio riba Green Corridor, un poco pabou di Youngfellow, un auto tabata bayendo direccion pariba cu velocidad hopi halto na dado momento e chauffeur di e auto a perde control cu su auto, e la baha caminda, despues a bolter y bay cay den mondi. Un di e ocupantenan a logra sali for di e auto y e otro a keda den e auto. Un di e victimanan tabata tin un pia fractura. Mesora a pidi pa presencia di polis y ambulance na e sitio.
Na yegada por a mira e motor di e auto benta riba caminda y tambe varios otro piesa di e auto tabata gespart riba caminda. Polis mesora a cera e caminda pa trafico. Dos ambulance a presenta y despues cu e paramediconan a trata e dos victimanan na e sitio a transporta nan pa hospital, tabata trata di un homber y un muher.
