Home Police Despues di ranca un palo di luz; esaki a cay ariba un...

Despues di ranca un palo di luz; esaki a cay ariba un Hyundai cu dos ocupante

SHARE

Sero Patrishi – Diadomingo marduga coriente a bay un area grandi di Sero Patrishi, Watty Vos Boulevard, Paradera y mas.
Esaki tawata debi na un accidente serio dilanti Chaly Rumshop situa na Sero Patrishi pa Paradera.

Na e sitio nos a papia cu un testigo cu tawata patras di e auto cu a by dal contra un palo di luz, rancando esaki pa despues e palo di luz cay ariba e auto causando un daño enorme. Pues segun testigo e Hyundai i10 a bay directamente contra e palo di luz.

Den e auto tawata tin dos persona cu a resulta herida, y mirando e situacion mester a pidi Materiaalwagen pa yuda saca e hendenan.
Elmar tambe a presenta, mirando e peliger di coriente halto cu lo por tin ariba e cabelnan.

Dos ambulance a presenta y despues di basta rato cu ambulancenan mes mester a keda leu para, por a yega mas cerca pa atende cu e heridonan y hibanan Hospitaal.

E caminda a permanece cera pa basta rato pa D.O.W por a basha tera ariba caminda, debi cu basta azeta a keda ariba caminda.