Paraguana – Diasabra mainta den careda di 11’or polis a bay den un di bochtnan di e bario di Paraguana, unda a sosode un accidente di trafico cu hende herida.
Na yegada di polis nan a topa cu dos auto cu basta daño material y dos persona herida.
E autonan envolvi tawata un Suzuki y un Hyundai Getz.
Den e Hyundai Getz tawata unda e heridonan tawata. Un señora di edad y un criatura a resulta herida y a pidi dos ambulance.
Na e sitio por a mira cu e Suzuki maneha pa un homber Hulandes Europeo muy probablemente no conoce e caminda y debi na velocidad a dal contra e Getz.
Chauffeur di e Getz cu ta un dama a bisa cu mucho e no por a haci y a maniobra pero asina mes e Suzuki a bin dal masha duro contra nan, y esey por mira con e autonan a keda.
Paramediconan a opta pa transporta e señora di edad pa Hospitaal pa mas atencion medico.
E di dos ambulance a yega pa controla e criatura.
Polis di trafico tambe a presenta na e sitio.
