Home Local Chemical leak den avion a causa cu varios persona a bira malo...

Chemical leak den avion a causa cu varios persona a bira malo y mester a wordo transporta pa Hospitaal

SHARE
Queen Beatrix International Airport
Diasabra merdia varios ambulance a sali direccion pista di aeropuerto Reina Beatrix, unda cu algun persona a cuminsa sinti nan mes basta malo, entre nan un dama na estado.

Tawata den careda di 1:30 diasabra merdia druk na airport, cu algun crew member di un airline conoci a cuminsa sintinan basta malo.
Na prome instante no tawata mucho duidelijk kiko tawata pasando.

Algun rato despues a bin sali na cla cu e personanan aki 4 crew member y un empleado di un ground handler a inhala locual a wordo yama “Burn Oil” fumes.

Nos a papia cu un experto, y e la splica nos cu ta algo cu por pasa, esta e por ta azeta of cualkier otro kimico. E leak aki lo a plama den e duct system di e avion na un cantidad hopi halto causando cu e personan a bira malo door di inhala esaki.

Segun nos a compronde, algun pasahero tambe lo a sinti malo y a wordo atendi na e sitio door di Paramediconan di Airport. No ta conoci e seriedad di e pasaheronan afecta.

Paramediconan di tres ambulance a atende cu e cinconan mas serio, esta 4 crew member y un empleado di e ground handler.

Dos persona a wordo hiba Hospitaal cu sintomanan hopi serio, indicando nan lo ta esnan cu a inhala mas di e holor fuerte aki cu por causa dañonan serio na nan salud.