Boto cu 22 ilegal, parha exotico y macaco intercepta.

Awe den oranan di madruga Wardacosta den bon coperacion cu Cuerpo Policial di Aruba (KPA) a intercepta un boto den awanan teritorial di Aruba cu indocumentadonan na bordo ku a purba di drenta ilegalmente. A encontra un total di 22 persona ariba e boto di cual, 2 hende muher y 20 hende homber. Ningun persona abordo tabatin permiso pa estadia legal na Aruba.
Abordo a encontra tambe un cantidad di animal exotico, entre otro 2 macaco y 26 parha. Tur e personanan a wordo traspasa pa Guarda nos Costa y e animalnan a wordo entrega na veterinaire dienst.
E caso ta sigui bou di investigacion di Unit Mensenhandel Mensensmokkel (KPA).