Home Police Carlos A. Rojer (49) ta bira e di 5 morto den trafico...

Carlos A. Rojer (49) ta bira e di 5 morto den trafico pa aña 2022

SHARE

San Miguel: Diabierna den oranan di anochi a sosode un accidente entre un brommer y un pickup riba e caminda di San Miguel. Pa un of otro motibo e motociclista no por a controla su velocidad na tempo y a dal patras di un pickup.

E impacto tabata hopi fuerte cu e motociclista cu e no tabata dunando senjal di bida. Mesora a pidi ambulance y polis cu maximo urgencia. Na yegada e paramediconan di ambulance no por a haci nada mas pa e motociclista, e la fayece.

Polisnan na e sitio mesora a cera e caminda y a pidi pa departamentonan concerni pa cuminsa cu un investigacion. Slachtofferhulp a wordo pidi na e sitio pa atende cu e famia cu tambe despues di un ora lo a yega na e sitio. Departamento tecnico y specialistanan di trafico tambe a presenta pa cuminsa asina cu e investigacion.

Transportwagen di polis a wordo pidi pa motibo cu a detene un persona na e sitio, tabata trata di e chauffeur cu lo a wordo transporta pa warda di polis pa asina den tur trankilidad lo mester duna su declaracion.

Dokter Texier a presenta na e sitio y a constata 9:50 morto di Carlos A.Rojer(49), cu tabata biba na Washington. Carlos den pasado tabata traha na departamento di Impuesto y despues a bay traha na AAA (Airport).

Team di Arubanative.com ta extende su mas profundo palabranan di condolencia na famia di e fayecido.