Home Police Auto a bolter y cay den e greppel riba e caminda di...

Auto a bolter y cay den e greppel riba e caminda di Hato, dos persona a resulta herida

SHARE

Hato: Diabierna den careda di 7’or di anochi a sosode un accidente cu dos persona herida, riba e caminda di Hato un poco pariba di e rotonde. Un Suzuki Jimny cu dos persona Masculino den dje pa un of otro motibo a perde control pariba di e rotonde, e auto a hala na su man robes dal contra acera y a bolter, bay cay den e greppel bandi pazuid di caminda.

Na momento cu e auto a bolter un caha di cerbes y un cantidad di botter di cerbes a sali cay for di e auto. No ta conoci si nan lo por tabata bou influencia.

E chauffeur y e ocupante a keda herida, mesora a pidi pa ambulance na e sitio. Dos ambulance a presenta na e sitio y e paramediconan a tratanan na e sitio y despues a transporta ambos pa hospital.