Home Police Time bomb?, Eugene L.(43) a bay haci problema den casino durante siman

Time bomb?, Eugene L.(43) a bay haci problema den casino durante siman

SHARE
Eugene L (43)
Ariba 4 di april 2008, Eugene Lampe, cu su 29 aña di edad a mata cruelmente su mayornan y un ruman homber. Esaki a sosode na un cas no mucho leu di warda di polis situa na Macuarima. Eugene a keda condena 20 aña di prison, pero a sinta unicamente 13. Na Augustus di aña 2021, Hof a nenga di duna Eugene su libertad condicional. Algun luna despues di e desicion aki, toch a bin cu algun palabracion pa Eugene haya su libertad.

https://arubanative.com/2021/09/06/hof-a-tuma-decision-eugene-lampe-no-ta-haya-libertad-condicional-awor/

Oranjestad – Diahuebs merdia rond di 2’or polis a bay den area di Alhambra Casino, pa motibo cu tin un persona haciendo fastioso. Esaki a resulta di ta Sr. Eugene Lampe.
DIAHUEBS MERDIA DEN CAREDA DI 2’OR
E Incidente
Alhambra Casino ta un sitio cu hopi di nos grandinan ta bishita. Nan ta bay eynan pa purba nan suerte y pasa basta rato di nan dia eyden. Aki ta unda Sr. Lampe a bay pa pidi hende placa.
POLISNAN A BUSCA, PERO NO A BIN TOPA CU EUGENE

Na prome instante e tawata calmo, pero segun cu e tawata wordo nenga placa e a cuminsa rabia y haci problema. Momento cu polis a yega e sitio ya e a bandona e lugar y a cana bay zuid, direccion di beach. Polis a bay controla den e area aki, pero no a topa cu Eugene.

POLIS SALIENDO FOR DI CASINO
Fact – Team, Respaldo
Sr. Eugene Lampe ta un homber liber, y ta keto bay bou di tratamento. Segun nos a compronde e tratamento aki ta obligatorio, y cu si ta bon lo ta wordo haci door di Fact-Team di Respaldo. Pues e team aki ta esun tambe cu lo mester monitor cualkier situacion no normal. Na luna di maart ainda Lampe tawata den Respaldo.

Eugene a sinta su castigo y manera ta ser bisa a haya tratamento, y aparentemente ta ricibiendo su medicamentonan. Pregunta ta bira e ora, con efectivo e tratamento aki ta? Esnan cu encargo pa su tratamento psikiatrico ta evalua nan trabou? Nan ta supervisa Sr. Lampe? Tin suficiente sosten profesional pa Sr. Lampe por biba un bida sin forma un peliger pa su mes o otronan?

Enfermedad mental no ta haci un persona automaticamente violento, pero e caso di Sr. Lampe ta uno extraordinario. Locual a pasa diahuebs merdia sigur ta duna un indicacion cu Eugene no ta hayando e cuido adecua y por wordo considera un red flag.. E persona aki a demostra di ta peligroso den pasado, tumando bida di 3 familiar. Instancianan relevante mester tuma accion pa preveni cu lo por tin un otro tragedia na man di e persona aki (siendo bou supuesto tratamento psikiatrico).

Seguridad Publico
Hopi añas a pasa, y no ta tur hende sa ken e persona aki ta o kico e a haci. Te hasta tin un generacion nobo di agentenan policial cu nunca a tende di e caso aki, corda pa nan sa ken e ta si e presenta nan dilanti.
Berdad Sr. Lampe a sinta su castigo y ta supuestamente hayando su tratamento, pero locual a sosode awe ta un hecho espantoso.

Kizas, prome cu ta laat, mester evalua si no ta mihor pa Sr. Lampe wordo poni bou estricto observacion pa Respaldo. Leynan Hulandes a brinda e persona aki, cu a asesina 3 persona, e posibidad pa cuminsa nan bida den libertad atrobe. Pero lo mester mira ta kico Eugene lo bay haci cu e oportunidad aki.