Home Police Casi 30 bulto di droga a drief yega costa di Aruba

Casi 30 bulto di droga a drief yega costa di Aruba

SHARE

Boca Grandi, Sero Colorado

Diasabra algo prome cu 5’or di atardi, a drenta un informacion cu lo tin varios bulto di droga yega na e costa pariba, den area di Vader Piet, Zwarte Mangel, Grapefield/ Boca Grandi y Sero Colorado.
Warda Costa por confirma cu e bultonan aki ku contenido di droga ta procedente di un interceptacion cu e barco Groningen a eherce dia 10 di augustus ultimo.

Durante e accion di 10 di augustus riba lama, e personanan riba e go-fast a tira un cantidad di bulto den lama. Diasabra atardi e bultonan aki a drif yega Aruba.

Cuerpo Policial di Aruba huntu ku Warda Costa ta atendiendo e caso aki.

Esaki no ta trata di un caso nobo, pero di e caso ku a tuma luga 10 di augustus ultimo.

Mesora varios unidad di polis a bay den e area aki.

Na yegada enberdad nan a topa cu bultonan di droga riba e beach, den lama y pega riba barancanan den lama.

Mirando e cantidad di bultonan cu nan tabata hayando y no tabata tin suficiente polis pa controla y busca den e area, no a keda polis nada otro di pidi cooperacion di Kustwacht, brandweer y personal di KIA.

E helicopter a keda basta largo ta bula riba e area aki y tambe a mira for di halto varios bulto den lama y tabata avisa unda e
bultonan tabata ta.

Agentenan policial tabata drenta den awa cerca di costa y tabata saca bulto tras di otro for di lama.

Helicopter a señala 4 bulto riba e barancanan den lama poco mas pazuid di Boca Grandi. Mirando cu e lama tabata basta bruto a pidi cooperacion di Kustwacht. Personal Kustwacht cu tabata coriendo na e costa a baha riba e baranca den lama y a piki e 4 bultonan.

Polis a cera e caminda pa bay Boca Grandi y tambe mas panort, Golfweg pa bay Zwarte Mangel. Esaki tabata pa evita cu nan wordo stroba of hendenan pasa msn pa un of mas bulto di droga. Polis a para varios auto cu tabata den e area aki pa controla si acaso nan lo por a piki un bulto. Pero no a haya nada particular. Mas bien tabata hendenan cu a bay pisca of djis a bay lama.

Durante cu a bira scur ainda Helicopter tawata logra mira mas bulto den lama cu poco poco tawata yega costa.

E posibilidad ta grandi cu no ta tur bulto lo wordo haya, debi na e area grandi y lama bruto cu ta hibanan pega unda cu ta.