Home Police Un persona herida den accidente cu basta daño material na Santa Marta

Un persona herida den accidente cu basta daño material na Santa Marta

SHARE
Santa Marta – Diasabra anochi algo pasa di 11’or polis a bay den un bocht poco peligroso na Santa Marta, esaki ta panort di e t-kruising cu ta bay pa Papilon.

Na yegada polisnan a topa e dos vehiculonan, tawata trata di un Suzuki Swift y un Haval suv. Un wiel di e Haval a ranca completamente for di e body.
Ambos auto a bay termina den mondi.

Na e sitio nos a compronde cu e Suzuki Swift tawata bayendo direccion nort, momento cu di nan lo a mishi cu otro ariba un velocidad halto causando e accidente.

Polis a papia cu ambos chauffeur y na prome instante nan tawata ok, pero segun e minuutnan tawata pasa un di nan a cuminsa haya dolornan fuerte.

A pidi pa ambulance y na yegada cu tawata hopi lihe debi cu nan ta cerca a opta pa hiba e chauffeur herida pa Hospitaal.

Daño material ta grandi y takelwagen tawata necesario pa bay cu e Haval cu a perde un wiel.