Home Local Aruba Bank ta felicita The Stem Embassy pa promove Sciencia, Technologia, Ingenieria...

Aruba Bank ta felicita The Stem Embassy pa promove Sciencia, Technologia, Ingenieria y Mathematica entre hoben

SHARE

Oranjestad – 05 di augustus, 2022 – Durante di e campamento organiza pa The STEM Embassy, mas di cien (100) hoben, entre 12 y 21 aña por a asisti na diferente workshop interactivo, cu e intencion pa crea curiosidad y stimula interes pa un futuro den STEM (Sciencia, Technologia, Ingenieria y Mathematica) entre hobennan na Aruba.

Un grupo di shete (7) dama dinamico, conoci como, The STEM Embassy, a haci nan estudio den e ramo di Sciencia, Technologia, Ingenieria y Mathematica y a mira un oportunidad pa educa hobennan den e area aki.

Na final di e camp tabata tin e STEM festival unda cu e mayoranan por a bin wak kiko e participantenan a haci durante e dos dianan. A presenta “pitch” ariba e topico di Sustainability di nos isla, unda a saca ganadornan di diferente categria di edad.

Aruba Bank ta contento di por contribui na e vision di The STEM Embassy y ta elogia Maia, Laura, Lau, Jillian, LeAnn, Dianthy y Syari pa e tremendo trabao y exitoso STEM camp.