Dialuna awor e orario di servicio na publico lo ta diferente – En conexion cu fayecimento y despedida di un empleado

ORANJESTAD – Departamento di Impuesto ta participa cu e orario di servicio na publico lo ta diferente dialuna awor, dia 27 di juni 2022. Esaki en conexion cu fayecimento y despedida di un empleado.

Dialuna awor parti mainta, tur oficina di Departamento di Impuesto lo ta cera pa publico. Esaki ta conta tambe pa e oficinanan den districto. Parti atardi, pa 1.15, Departamento di Impuesto lo reanuda su servicionan na publico na tur su oficinanan.

Departamento di Impuesto ta pidi su clientenan pa tuma nota di e anuncio aki pa evita cualkier inconveniencia.

Gerencia di Departamento di Impuesto