Home Police Homber herida despues di a dal cu su auto contra un mata...

Homber herida despues di a dal cu su auto contra un mata di kwihi

SHARE
Balashi – Diaranson anochi den careda di 10’or polis a bay cu urgencia pariba di WEB N.V, unda cu un accidente a sosode y tin hende herida.

Kia Cerato cora

Na yegada di polis nan a topa cu un Kia Cerato color cora pega contra e trancon di un mata di Kwihi.
Na stuur tawata tin un cabayero di edad.

Baha caminda na man robes

Por a mira a base di e rastronan den tera, cu e vehiculo aki tawata bayendo pa e brug bieu altura di Tele Aruba.
Dado momento pa un of otro motibo a kita bay na su man robes, bahando caminda sin brake pa bay dal stril contra un mata di kwihi basta grandi.

Herida

Polisnan cu a yega e sitio a constata cu e homber tawata herida, pero no tawata mustra di gravedad.
Pero mirando e impacto fuerte ambulance a presenta e sitio y a opta pa e bay Hospitaal, unda dokter lo por tira un miho bista ariba dje.