Home Police Un a dal e den cara: Desconocinan a los varios tiro cu...

Un a dal e den cara: Desconocinan a los varios tiro cu bala di kelki ariba adicto

SHARE
Boliviastraat – Diaranson algo prome cu mey anochi polis a bay den Boliviastraat, unda un homber lo a wordo herida

Heridanan di “bala”

Na yegada di polis nan a bin topa cu un homber sinta cu a resulta di ta un adicto.
Agentenan a constata cu berdad e homber tawata herida, tanto na cara y brasa.

E la conta polis

E la bisa polis cu un of mas individuo lo a tira ariba dje altura di e bushalte unda tin un mata.
E arma usa lo tawata di bala di kelki, y si esaki a wordo modifica lo por a causa heridanan serio mirando cu nan mik pa su cabes.

Polis a constata herida den cara y na su brasa.
A pidi un ambulance pa Boliviastraat.

Na yegada e Paramediconan a papia cu e agentenan cu a informanan di locual a sosode. Despues di un rato cu e Paramediconan a papia cu e homber e la mustranan unda e la wordo herida e la cana subi e ambulance, unda cu e Paramediconan a duna e asistencia necesario.

Ainda ta fresco den nos memoria locual a pasa cu e conocido SKI (dfm) cu si no tawata tin e mesun suerte di e homber aki, debi cu ariba dje si a ser usa un caliber halto cu a costa su bida algun dia despues.