Home Police Dos persona herida den accidente cu basta daño material na Paradera

Dos persona herida den accidente cu basta daño material na Paradera

SHARE
Paradera – Diahuebs mainta den careda di 10’or pasa coriente a bay den area di Paradera.
Algun minuut despues habitantenan ta haya cu ta un accidente serio di trafico a soso altura di Great Rich unda un auto a ranca un palo di luz.

Polis rápidamente na e sitio

Polis a yega den algun minuut y mesora a cuminsa compila tur dato y mira cuanto hende herida tin.

Vcar y Hyundai Getz

E dos autonan envolvi tawata un Toyota v-car y un Hyundai Getz.
Na stuur di v-car tawata tin un dama cu su yiu menor di edad.
Por mira cu e dama of mama di e criatura ta esun cu a ricibi tur e golpinan y e mucha a keda bon y tawata papia.

Por a scucha e señora papia Ingles.

Locual nos a compronde na e sitio

Na e sitio nos a compronde di e dama chauffeur na stuur di Getz cu e tawata cla pa bay bira ariba crusada na su man robes pues pariba di e bar restaurant.

Segun e dama por a splica polis e tawata biniendo for di pabou y a mira auto para ariba caminda y cu un velocidad halto a bay pasa na su man robes. Net momento cu e Getz tawata birando.

Impacto

E impacto tawata asina duro cu e la benta e Getz for di caminda banda di pazuid cu e chauffeur y tur.

Varios ambulance

Na e sitio a presenta Paramediconan y prome cu nan dos dama a yega dunando prome asistencia na e dama cu tawata seriamente herida y na sanger.

Elmar

Elmar a yega hopi lihe pa mira e daño y pa mesora cuminsa prepara pa manda ekiponan di Elmar pa e sitio, mirando ta trabou cu lo bay dura basta ora.

Polisnan di trafico a presenta pa asina tuma tur dato.
Ambulance a transporta tur persona herida pa Hospitaal.

Caminda a wordo cera mirando tur e cosnan cu a keda gespart rond, si papia di e tur e cabelnan di coriente cu a cay.