Home Police Hopi mercancia horta: Antisocial a bolbe drenta mesun tienda den Caya G.F.Betico...

Hopi mercancia horta: Antisocial a bolbe drenta mesun tienda den Caya G.F.Betico Croes

SHARE
Caya G.F.Betico Croes – Dialuna merdia den careda di 3’or polis a wordo pidi pa pasa na un tienda den caya grandi, eynan antisocialnan lo a drenta y horta cos.
Destruccion na banda

E persona encarga cu e luga a ripara cu e ladron/nan a drenta via un kibra bieu o sea esun cu a drenta posiblemente ta mesun persona cu a drenta prome biaha.

Segun e cabayero e prome kiebro den e negoshi aki a sosode na inicio di Covid-19, pero nunca e ladron/nan a wordo haya.

Oranan di marduga

Alarma di e luga lo a bay on na e compania di seguridad y aparentemente nan lo a pasa controla y tur cos tawata mustra intacto di pafo, siendo cu e ladron tawata paden e momento ey.

Pues e ladron aki ta basta inteligente di drenta y sin lanta sospecho door di no kibra nada. E persona/nan aki a drenta via un porta na banda y bay den e negoshi via un kibra bieu cu e tawata sa di dje.

Segun nos a compronde un cantidad grandi di mercancia a wordo horta.

Adicto cu semper ta sinta ey dilanti

Ta sospecha ariba un adicto cu semper ta sinta tegenover di e negoshi y constantemente ta keda wak e luga.
Pero esey ta unicamente sospecho.