Home Police Chauffeur burachi deteni despues di a perde control cu su auto y...

Chauffeur burachi deteni despues di a perde control cu su auto y drenta mondi

SHARE
L.G.Smith Boulevard – Diasabra marduga polis a bay altura di Marriott unda cu un auto a perde control y cay den rooi pariba di caminda.
E chauffeur no a resulta herida.
Bou influencia

Agentenan na e sitio despues di a constata cu e chauffeur ta ok y no mester asistencia medico a escoge pa test e chauffeur.

Alco Sensor

A pidi pa un Alco Sensor cu a wordo treci door di e transportwagen di Noord mes.
A splica e chauffeur e procedura.
Manera e agentenan a anticipa e chauffeur debi cu e bebi lo no bay supla manera debe ser.

A dun’e varios chance, pero e no por a cumpli cu esaki y a splike cu e ta wordo deteni etc etc.
Trankilamente e chauffeur a coopera y a wordo yuda pa subi e transportwagen.

Por a mira pariba di caminda cu e chauffeur pa un of otro motibo a perde control y baha caminda na su banda drechi.
Eynan e la ranca algun mata dal un buelta di 180⁰ y para cara pazuid bek.

Daño material ta hopi y mester remarca cu e por a termina seriamente herida si un di matanan a bora e windshield.