Willemstad, Korsou:
Krímennan di impakto haltu durante di e periodo di 21 pa 27 di mart 2022 a duna e siguiente resultado.
Atrako
Tabatin kuater (4) kaso di atrako registrá durante di e periodo aki i nan a tuma lugá riba djamars, djarason i djaweps, entre 21.00’or i 23.00’or. E atrakonan aki a tuma lugá riba Schottegatweg-West, Grebbelinieweg, Penstraat i Dr. W.P. Maalweg.
Ladronisia di vehíkulo
Polis a registrá un (1) kaso di ladronisia di vehíkulo ku a tuma lugá riba djadumingu entre 16.15’or i 16.30’or. Ta trata di un outo di e marka Toyota Corolla i a wòrdu hortá for di un adrès na Sabana Hundu.
Kiebro den kas
Polis a registrá sinku (5) kiebro den kas. Mayoria di e kiebronan aki a tuma lugá riba djamars entre 11.00’or i 16.00’or i malechornan a penetrá dor di kibra òf fòrsa bentana di kamber.
E kiebronan aki a tuma lugá na Seru Lora, Patrijsweg, Kaya Disiplina, Kaya Catania, Kanga.
Kiebro den negoshi
A konfirmá 4 kiebro den negoshi i mayoria a tuma lugá riba djabierne i djaweps entre 03.00’or i 05.00’or.
Malechornan a penetrá den e edifísionan dor baha via di dak.
E areanan na unda e kiebronan aki a tuma lugá tabata Westpunt, Sta. Maria, Juan Domingu bij Mahuma en Hofi Abou.
Kiebro den outo
Tabatin kuater (4) kiebro den outo, ku a tuma lugá prinsipalente riba djabièrnè i djadumingu entre 02.00’or i 03.30’or.
E método ku mas e malechornan a usa tabata sea pa fòrsa of kibra e bentana di porta na man drechi patras di e vehíkulo.
E sítionan na unda a kibra den outo tabata Trinidadweg, Penstraat, Gallerosteeg i Carawaraweg.
Violensia relashonal
Polis mester a atendé ocho (8) kaso di violensia relashonal, di kua mayoria a tuma lugá riba djasabra.
E kasonan aki a tuma lugá entre 01.00’or i 04.00’or.
E áreanan kaminda ku polis mester a duna asistensia pa e tipo di violensianan aki, tabata diverso.