Home Politics Parlamentario Darlaine Guedez-Erasmus (MEP): Como parlamentario mi prioridad ta mira e...

Parlamentario Darlaine Guedez-Erasmus (MEP): Como parlamentario mi prioridad ta mira e bienestar di pueblo 

SHARE

 

 

Den e reunion publico di dia 10 maart 2022 parlamento a trata e ley pa ancra institucion Ombudsman den e constitucion di Aruba. 

 

Importancia di un ombudsman

Durante e reunion aki, mi persona a indica dicon ta importante pa e institucion aki wordo ancra den nos constitucion. Un Ombudsman of tambe yama e Defensor di Pueblo ta e luga sigur caminda e pueblo por acudi. Pa ricibi atencion, apoyo, informacion y proteccion pa e y su famia. E instituto aki sigur ta di confiansa pa asina tur persona por bay cerca dje. E servicio brinda ta gratis. Esaki ta haci cu tur hende por wordo yuda sin mira status social of edad di e persona. Mi persona ta haya e oportunidad aki uno husto pa tur hende. Ta importante pa menciona un kinderombudsman tambe lo haya su luga “special” den e institucion independiente y imparcial aki.

 

Cu hopi tristesa mi por bisa cu no a haya parti pa asina aproba e ley. Solamente fraccion di MEP y RAIZ a vota pro pa e ley importante aki. Durante e reunion aki tabata e momento pa duna e institucion ombudsman su peso real, door di ancr’e den nos constitucion. 

 

Despues di e reunion aki, mi ta sinti cu mester sigui lucha, traha y keda cu un mente optimismo pa un dia si logra ancra e ombudsman den nos constitucion, mescos cu otro pais den Reino Hulandes cu si tin e. E institucion ombudsman por haci diferencia grandi den bida di cada un persona cu ta biba riba Aruba.