“Pa tur esnan actualmente den examenklas y kier studia na Hulanda y esnan 21+ sin diploma cu toch kier bay sigui studia pa un HBO opleiding”
Pa medio di esaki Hogeschool Rotterdam kier a informa tur studiantenan di examenklas y nan mayornan como tambe studiantenan cu tin interes pa participa na e 21+ traject pa e unico anochi di informacion caminda e siguiente dos topiconan lo wordo trata:
- 21+ Traject di Hogeschool Rotterdam
Bo NO tin bo HAVO/VWO/MBO diploma pa bo por drenta un HBO y sigui e opleiding cu semper bo tabata kier y bo tin e dedicacion y determinacion pa sigui studia? Esaki ta BO chance, awo Hogeschool Rotterdam ta brinda bo e oportunidad pa participa na nos 21+ Toelatingstraject aki na Aruba mes! E trajecto aki ta consisti di un aanlegtest y maximo 4 toelatingsexamens. Si bo completa e trayecto aki cu exito, bo por drenta Hogeschool Rotterdam pa cuminsa e HBO opleiding di bo escogencia na september 2022 mes!
Pa por participa na e trayecto aki, bo mester tin e edad di 21 aña of mas riba 1 di October 2022.
- “Subi Jet Pa bo Get” pa kandidatonan cu ta den examenklas cu lo bai studia na Hogeschool Rotterdam na augustus 2022
Bo ta den examenklas y tin pensa di bai studia un opleiding na Hogeschool Rotterdam na September 2022? Esaki ta BO oportunidad pa por participa na un curso completamente revisa y cu informacion hopi interesante, interactivo y leuk pa prepara abo y bo mayornan pa e paso nobo aki den bo bida. Nos lo lagabo sera conoci cu studentcoaches y docentenan cu por judabo den e preparacion y cu tur bo preguntanan. Un punto hopi atractivo di tur esaki ta cu participando na e curso informativo aki bo por acumula bo prome studiepunten prome cu bo jega Hulanda. Un oportunidad cu Hogeschool Rotterdam SO ta brindabo na Aruba. Tene na cuenta cu esaki tambe ta pa esnan cu lo kier sigui e 21+ traject!
Pa mas informacion nos kier a invita tur interesado pa inscirbi pa e unico anochi di informacion cu lo tuma lugar online:
Dia: Diamars 8 maart 2022
Ora: 6:00-7:00
Bo por meld bo mes via e siguiente link: https://forms.gle/2kVQ3rqBrFPQFcAs8
Ora bo caba di registra bo lo ricibi un invitacion cu e link pa e meeting den bo email.
Pa mas informacion:
Website: http://www.hogeschoolrotterdam.nl/21-jaar-of-ouder-zonder-diploma
FaceBook: Hogeschool Rotterdam Aruba | Facebook
Contact Hogeschool Rotterdam Aruba: email: [email protected]