J.E. Irausquin Boulevard:
Diahuebs algo despues di 4’or di atardi, alarma a wordo bati pa un candela na un restaurant den cura di Costa Linda Beach Resort. E cashi coriente a cuminsa saca chispa y a pega candela, e candela hopi liher a expande bay te den cushina.
E coriente di e lugar a wordo desconecta y tanki gas cera, pa evita cu e candela sigui bira mas grandi. E restaurant tabata bou huma. Un unidad di brandweer a yega hopi liher na e sitio y a cuminsa combati e candela. No a dura mucho cu brandweer tabata tin e candela domina y paga.
Despues cu a paga e candela Brandweer a ventila e lugar necesario. E candela a cuminsa den e cashi coriente cu a cuminsa na saca chispa y despues a pega candela, cu a expande bay te den cushina. Pa e motibo aki brandweer a pidi pa presencia di Elmar y D.T.I. pa haci e controlnan necesario.
Officier van Dienst di Brandweer tambe a presenta na e sitio, pa pone su mes na altura di e candela, na final e la splica doño di e restaurant kiko e mester haci.
